ღია კარის დღე კოლეჯ „აისის“ ლაგოდეხის ფილიალში
8 ნოემბერს კოლეჯ „აისის“ ლაგოდეხის ფილიალში სასწავლო პროცესის დაწყებასთან დაკავშირებით გაიმართა ღია კარის დღე, რომელსაც ესწრებოდნენ კოლეჯ „აისის“ ადმინისტრაციის წევრები, სტუდენტები, მათი მშობლები და პროფესიული განათლებით დაინტერესებული პირები.
კოლეჯ „აისის“ დირექტორმა მალხაზ ასლამაზაშვილმა სტუდენტებს მიულოცა სწავლის დაწყება და დამსწრე საზოგადოებას ესაუბრა პროფესიული განათლების მნიშვნელობისა და შესაძლებლობების შესახებ.
სტუდენტებმა ასევე მიიღეს ინფორმაცია სასწავლო პროცესის, სტუდენტური სერვისების და დასაქმების პერსპექტივების შესახებ, რაც მათ დაეხმარება, სწავლის დაწყების პირველივე ეტაპზევე გააცნობიერონ საკუთარი მიზნები და დაისახონ სამომავლო გეგმები.
Comments
Post a Comment