2015 წელს საქართველოს განათლებისა და მეცნიერების სამინისტროს ინიციატივით კოლეჯ „აისის“ ალვანის ფილიალის სასწავლო კორპუსს ჩაუტარდა სრული რეაბილიტაცია, რომელიც გათვლილია 100 სტუდენტზე. ამჟამად იგი არის თანამედროვე დონეზე რეაბილიტირებული, ახალი ტექნოლოგიებით აღჭურვილი, უნივერსალური დიზაინის პროფესიული საგანმანათლებლო დაწესებულება, ადაპტირებული სპეციალური შეზღუდული შესაძლებლობების და სპეციალური საგანმანათლებლო საჭიროების მქონე სტუდენტებისთვის. მეორე სართულზე განთავსებულია სასტუმრო.
ალვანის ფილიალში სწავლება მიმდინარეობს შემდეგ პროფესიულ საგანმანათლებლო პროგრამებზე:
ხელოვნების მიმართულება:
- მხატვრული ქსოვილები - III დონე (ხანგრძლივობა 13,5 თვე)
- მომინანქრება - III დონე (ხანგრძლივობა 11 თვე)
- კერამიკული ნაკეთობის დამზადება - III დონე
ჯანდაცვის მიმართულება:
- საექთნო საქმე - V დონე (ხანგრძლივობა 32,5 თვე) (დუალური)
საწავლო პროცესის პარალელურად მაღალ დონეზე ტარდება სასწავლო პრაქტიკა, როგორც ადგილზე ადგილობრივ სახელოსნოში, ასევე შპს საწარმო „თუშეთი- მატყლში“, რომელთანაც გაფორმებულია თანამშრომლობის მემორანდუმი, როგორც საწარმოო პრაქტიკის გავლასთან, ასევე დასაქმებასთან დაკავშირებით.
თვითოეული პროფესია მიესადაგება თუშეთის ისტორიულ-გეოგრაფიული მხარის მოთხოვნებს და პერსპექტიულია. აღნიშნული პროფესიების სწავლება ხელს შეუწყობს ტურიზმის განვითარებას, ქართული ეკონომიკის გაძლიერებას და რაც მთავარია მოხდება ძველი ქართული ხელოვნების ტრადიციების აღდგენა, შენარჩუნება და განვითარება.
Comments
Post a Comment