საინფორმაციო პროფორიენტაციული შეხვედრა
სოფელ სამრეკლოს საჯარო სკოლაში
8 ივნისს კოლეჯ „აისის“ პროფორიენტაციის და კარიერის დაგეგმვის მენეჯერი თამარ გეთიაშვილი პროფესიული ორიენტაციის მიზნით იმყოფებოდა დედოფლისწყაროს მუნიციპალიტეტის სოფელ სამრეკლოს საჯარო სკოლაში, სადაც შეხვდა სკოლის მოსწავლეებს.
თამარ გეთიაშვილმა სკოლის მოსწავლეებს წარუდგინა პრეზენტაცია და გააცნო კოლეჯ „აისის“ ევროპული სტანდარტების შესაბამისი მატერიალურ-ტექნიკური ბაზა. მიაწოდა ინფორმაცია კოლეჯის პროფესიულ საგანმანათლებლო პროგრამების, რეგისტრაციის ვადების, ტესტირების, ჩარიცხვის წესებისა და სასწავლო პროცესების შესახებ.
ამ ტიპის საინფორმაციო შეხვედრები ხელს უწყობს მოსწავლეების ინფორმირებას პროფესიების მრავალფეროვნებისა და პროფესიული განათლების შესაძლებლობების შესახებ, რაც მათ ეხმარება, პროფესიის არჩევის დროს სწორი გადაწყვეტილების მიღებაში.
Comments
Post a Comment