საინფორმაციო პროფორიენტაციული შეხვედრა ვაზიანის N1 საჯარო სკოლაში

 საინფორმაციო პროფორიენტაციული შეხვედრა 

ვაზიანის N1 საჯარო სკოლაში

4 ივნისს კოლეჯ „აისის“ დირექტორი მალხაზ ასლამაზაშვილი, პროფორიენტაციის და კარიერის დაგეგმვის მენეჯერი თამარ გეთიაშვილი და ღონისძიების ორგანიზატორი თეონა თაბორიძე პროფესიული ორიენტაციის მიზნით იმყოფებოდნენ გარდაბნის მუნიციპალიტეტის სოფელ ვაზიანის N 2 საჯარო სკოლაში, სადაც შეხვდნენ სკოლის დირექტორს, მასწავლებლებს, მოსწავლეებს და მათ მშობლებს.

კოლეჯ „აისის“ დირექტორმა ისაუბრა პროფესიული განათლების მნიშვნელობასა და მის მრავალფეროვან შესაძლებლობებზე, მიმდინარე პროექტებისა და გაცვლითი პროგრამების შესახებ. 

პროფორიენტაციისა და კარიერის დაგეგმვის მენეჯერმა თამარ გეთიაშვილმა შეხვედრის მონაწილეებს წარუდგინა პრეზენტაცია და გააცნო კოლეჯ „აისის“ ევროპული სტანდარტების შესაბამისი მატერიალურ-ტექნიკური ბაზა და მიაწოდა ინფორმაცია კოლეჯის პროფესიულ საგანმანათლებლო პროგრამების, რეგისტრაციის ვადების, ტესტირების, ჩარიცხვისა და სასწავლო პროცესების შესახებ. 

ღონისძიების ორგანიზატორმა თეონა თაბორიძემ მოსწავლეებს გააცნო კოლეჯში მიმდინარე სტუდენტური სერვისების მხარდაჭერის შესაძლებლობები.

ამ ტიპის საინფორმაციო შეხვედრები ხელს უწყობს მოსწავლეების ინფორმირებას პროფესიების მრავალფეროვნებისა და პროფესიული განათლების შესაძლებლობების შესახებ, რაც მათ ეხმარება, პროფესიის არჩევის დროს სწორი გადაწყვეტილების მიღებაში.