ექსკურსია კოლეჯ „აისში“ - სოფელ კაჭრეთის საჯარო სკოლა
11 მაისს კოლეჯ „აისში“ პროფესიულ საგანმანათლებლო პროგრამების გაცნობის მიზნით ექსკურსიაზე იმყოფებოდნენ კაჭრეთის საჯარო სკოლის მოსწავლეები. მათთან საინფორმაციო შეხვედრა ჩაატარა კოლეჯ ,,აისის“ პროფორიენტაციისა და კარიერის დაგეგმვის მენეჯერმა თამარ გეთიაშვილმა, რომელმაც ისაუბრა პროფესიული განათლების შესაძლებლობების შესახებ და სკოლის მოსწავლეებს გააცნო კოლეჯში არსებული პროფესიულ საგანმანათლებლო პროგრამები. მოსწავლეებმა დასვეს მათთვის საინტერესო შეკითხვები, რაზეც ამომწურავი პასუხები მიიღეს.
შეხვედრის დასრულების შემდეგ საჯარო სკოლის მოსწავლეებმა დაათვალიერეს კოლეჯის მატერიალურ-ტექნიკური ბაზა: ღვინის სახლი, ღვინის ლაბორატორია, ხილ-ბოსტნეულის გადამამუშავებელი მინი საწარმო, სახელოსნოები, თეორიული კლას-კაბინეტები და სტუდენტთა პანსიონი.
გაეცნენ სხვადასხვა სპეციალობებში პრაქტიკული მეცადინეობის პრინციპებს და პროფესიული სწავლების სპეციფიკას.
ასეთი ექსკურსიები და საინფორმაციო პროფორიენტაციული შეხვედრები ხელს უწყობს სკოლის მოსწავლეთა ინფორმირებას პროფესიული განათლების მნიშვნელობასა და შესაძლებლობებზე, რაც მათ დაეხმარება პროფესიის სწორად არჩევასა და კარიერის დაგეგმვაში.
Comments
Post a Comment