განათლების მე-11 საერთაშორისო ონლაინ გამოფენა
27 და 28 მაისს, ექსპოჯორჯიას ორგანიზებით, წელს პირველად, ონლაინ გაიმართა განათლების მე-11 საერთაშორისო გამოფენა, სადაც 16 ქვეყნის 200-მდე სასწავლებელთან ერთად წარმოდგენილი იყო კოლეჯი „აისიც“.
ონლაინფორმატის საშუალებით, ნებისმიერ მსურველს სახლიდან გაუსვლელად შეეძლო ვირტუალურად გაცნობოდა სხვადასხვა სასწავლებლის, მათ შორის კოლეჯ „აისის“ პროფესიულ საგანმანათლებლო პროგრამებს, სიახლეებს და ყველა იმ შესაძლებლობას, რომელსაც კოლეჯი „აისი“ სთავაზობს პროფესიული განათლებით დაინტერესებულ პირებს.
აღნიშნულ ღონისძიებაზე კოლეჯ „აისის“ პროფორიენტაციის და კარიერის დაგეგმვის მენეჯერმა დაინტერესებულ პირებს წარუდგინა პრეზენტაცია, სადაც გააცნო კოლეჯის მატერიალურ ტექნიკური ბაზა, პროფესიულ საგანმანათლებლო პროგრამები და დასაქმების შესაძლებლობები. ასევე, ისაუბრა რეგისტრაციის ვადებსა და ჩარიცხვის პირობებზე.
აღნიშნული ღონისძიების მიზანი იყო ახალგაზრდებს მიეღოთ სრულყოფილი ინფორმაცია როგორც ადგილობრივი, ასევე საერთაშორისო სასწავლო პროგრამების შესახებ.
IEFG-ი 2010 წლიდან ყოველწლიურად ეწყობა. გამოფენას საშუალოდ 10 000-ზე მეტი დამთვალიერებელი ჰყავს და მასში მსოფლიოს 200-მდე სასწავლებელი მონაწილეობს. განათლების მე-11 საერთაშორისო გამოფენა ექსპოჯორჯიას ორგანიზებით წელს პირველად გაიმართა ონლაინ.
აღნიშნული ონლაინ გამოფენისთვის ინფორმაცია კოლეჯ „აისის“ შესახებ განთავსებულია ბმულზე: https://educationfair.ge/participant/college-aisi
Comments
Post a Comment