განათლების მე-10 საერთაშორისო ფესტივალი
28-29 თებერვალს კოლეჯი „აისი“ მონაწილეობდა უმაღლესი და პროფესიული განათლების მე-10 საერთაშორისო გამოფენაში, რომელიც გამოფენების ცენტრ ექსპოჯორჯიას მე-11 პავილიონში გაიმართა.
გამოფენაზე წარმოდგენილი იყო კოლეჯის სტუდენტების მიერ პრაქტიკული მეცადინეობის პროცესში შექმნილი პროდუქცია, რამაც დამთვალიერებლების დიდი მოწონება დაიმსახურა. დაინტერესებულმა პირებმა მიიღეს ამომწურავი ინფორმაცია კოლეჯში განხორციელებული პროგრამებისა და სწავლების შესაძლებლობების შესახებ.
განათლების საერთაშორისო გამოფენა განათლების, მეცნიერების, კულტურისა და სპორტის სამინისტროს მხარდაჭერით გაიმართა და მასში 70-მდე ქვეყნის 100-მდე საერთაშორისო თუ ადგილობრივი უნივერსიტეტი და პროფესიული სასწავლებელი იღებდა მონაწილეობას.
ორი დღის განმავლობაში გამოფენის სტუმრებს შესაძლებლობა ქონდათ, მიეღოთ დეტალური ინფორმაცია პროფესიულ საგანმანათლებლო პროგრამების შესახებ და ჩაერთნენ სხვადასხვა აქტივობასა და ღონისძიებაში.
Comments
Post a Comment